ضعنكم بالحزن عايد وبالحسرة
ضعنكم بالحزن عايد وبالحسرة *** يجر ذيل الأسى وراياته منكسرة
لفا يا وسفة بس نسوان مثكوله *** بلا والي ووليها منكسرظهره
يافرسان الوغى يهل الشيم گوموا *** د شوفوا هالضعن واستكشفوا أمره
نزف إلكم بشاره ياهل الغيرة *** أوصلوا ها لخبر بلغوه للزهرا
وخبرها الضعن يحمل لها شكايه
ويعتب عالنجف يطلبكم حمايه
شعدد لك وشحچي عن مصايبنا *** تفتت للصخر هالنخوة وتكسره
شماته وذلة في وليه أعادينا *** مچيدة وياعظمها وصعبه هالسفرة
يجابر ولهدم ركني ودوهني *** وخلى إگليبي دامي يستعر جمره
أشوف الراس گدام الضعن يزهر *** على راس الرمح وعيوني تنظره
يباري للضعينه وشابحه عيونه
وينغى لليتامى بدمعة محزونه
آه ياجابر وشبعت ضيم وقهر *** شلون ضيعه والگلب منى نفطر
فكدي لحبابي كسر مني الظهر *** ونور عيني من وگع يم النهر
بو الفضل يا كافلي ماهي عادتكم *** لو غريبه تنتخي تأبى شيمتكم
تتركوها محيره وهي تناشدكم *** مو بعد لمخدرة مو بعد ختكم
وآني جيت بسلطنه وتحت رايتكم