أدب المقاومة

جبريل ينادي في السماوات

آه ياهي فجيعة اليوم واعظم *** ياهو گلب ما خر وتحطم
من صابه الدعي الطاغي بن ملجم *** وخضّب شيبته المبرورة بالدم

عرش الله هوى وركنه تهدم


لجله الكون مهموم *** مات المرتضى اليوم

رجفة وزلزلة والكون أظلم *** والإسلام يا شيعة تيتم
خسف وكسف بالأكوان خيّم *** وبثوب السواد بحزنه أحرم

والأملاك نصبت له المأتم


يبچي لجله الصوم *** مات المرتضى اليوم

تبچي ليلة القدر الحزينة *** والمحراب معصوب بجبينه
هامل دمعته وهايج حنينه *** وينادي الأمام أبطى علينه

داحي الباب وينه اليوم وينه


وينه بحر لعلوم *** مات المرتضى اليوم

الجن والأنس تلطم الهامات *** والصيحة علت سبع السماوات
لا ترحل ورد عنا الظلامات *** يابا الحسن حاچينا سلامات

گلهم بيّنت ليّ العلامات


وبهاليوم ملزوم *** مات المرتضى اليوم

من طر هامتك يا داحي الباب *** يا هي ضربة گشرى وياهو إصواب
من عفرك في وسطة المحراب *** ومن سيّل دمومك فوگ لتراب

گلهم سيفه وصّل لعد لعصاب


حل يومي المحتوم *** مات المرتضى اليوم

ما أنت ياعلي هازم العمرين *** ولجدلت أبطال وشياهين
ياكرار فارس بدر وحنين *** ياكهف اليتامى والمساكين

چيفه ألحين تتركنا يبو حسين


وتسافر يا گيدوم *** مات المرتضى اليوم

گلهم ضربته وصلّت للعين *** وطرّت هامتى ياولادي نصين
شيلوني بعجل للدار ألحين *** لا تنظرني زينب والنساوين

ما يفيد الدوى يا حسن ياحسين


سيف الرجس مسموم *** مات المرتضى اليوم

تبچي لجله السبع العلية *** وأملاك السما ضجن سويه
وبوسط العرش نصبت عزية *** وتنادي ياحماي الحمية

گوم وتمّم الصوم *** مات المرتضى اليوم

فال الله السلامة ياعلي نريد *** يابويه صعب فرگاك ومچيد
بيطيب الجرح وتعيد العيد *** ونفرح بالهنا ونلبس للجديد

والفرحة لنا تدوم *** مات المرتضى اليوم

وحشة ومظلمة الدنيا بليّاك *** چيف الدار تضوي بلا محيّاك
شلت بس يمينه اللي تعداك *** ومن غالك بمحرابك وأرداك

وسيّل منك إدموم *** مات المرتضى اليوم

يابا الحسن ذلة ويتم فرگاك *** بعدك منه يناغي يتاماك
شوفنهم يابو الشيمات تنخاك *** مشبوحة لعيون بكتر عيناك

منها الگلب مألوم *** مات المرتضى اليوم

نادو للطبيب بعجل هالساع *** ماأگدر أشوفة بحالة إنزاع
چنه الأبو رايح حلو لطباع *** غطوا للجرح بس گلبي إرتاع

وكشفوا لي أنظره گبل لوداع

وامسح منه لدموم *** مات المرتضى اليوم

اترك تعليقاً

شاهد أيضاً
إغلاق
زر الذهاب إلى الأعلى