أدب المقاومة

صوت جبريل علا وكبر

صوت جبريل علا وكبر *** يا شهيد السجدة المعفر

واعلياه .. واعلياه

أسف وكت الفريضة طاف وتحدّر

وها خيط ا لصبح شگ الدجى واسفر

مهو عادة أبو الحملات يتأخر

ياهي ليلة كدر ليلة تساتعشر

وگلبي إرتاع منها الكافل من الشر

أشوفنها دواهي و نابها كشّر

ومحرابك بگى خالي جمر يسعر

يجر ونه أثر ونه ويتحسر

حزين بلا وليف وينشد المنبر

يگله وين داحي الباب گلبي إنطر

وموحشني سجوده ودمعه لمنثر

وتسبيحات ذكره وخده لمعفّر

أثاري مادره به راسه مطّبر

حزينة مروعة كل شيعته تبچي الدمع دما

وجبريل إفتجع كبّر ونادى في السما

حسافة وياوسف طايح تغيلة المجرمة

فجايع نازلة ويا زلزلة ها لليله مظلمة

وأركان الهدى ساخت تهاوت ناقمة


من يداوي الجرح والطبرة *** ساعد الله اللي ولى أمره
گلبه دامي يستعر جمره *** يجري ونّه ويسچب العبرة

يا حبيبي ذايب إفادي *** ظهري محني والدمع بادي
گوم يا عزي ويا ا سنادي *** تمم الصوم يا علي الهادي

لا تغادر لا تيتمنا *** وانت عزنا وانت كافلنا
فتّح عيونك وطالعنا *** وامسح الدمعات وجاوبنا
مگبل العيد لا تفاركنا *** خلنا نفرح والهنا يعمنا
بويه بعدك منهو يضمنا *** ومن يرد المظلمة عنا

اترك تعليقاً

شاهد أيضاً
إغلاق
زر الذهاب إلى الأعلى