أدب المقاومة

لكن أنا باشيلك

قصيدة لكن أنا باشيلك  من إصدار على العهد

الرادود: جعفر الدرازي

الوصف: 1428هـ – 2007م

شلت اهنا برحيلك *** من خيك او دلاله
لكن أنا باشيلك *** لاتدوسك الخيالة

يالما بعد مثيلك *** شال الأهل باظلاله
لكن أنا باشيلك *** لاتدوسك الخيالة


مات الدهر *** باعيوني يالحبيب
آه يالقمر *** لو تدري بالغريب
ليل القهر *** بالحسرة والنحيب
ظهري انكسر *** واجرحي ما تطيب
عهدتك من تذكرني *** متحير تركض لية
عرفتك ما تهجرني *** او قلبك مخطوف علية
واليوم تخلي الناس *** تتشمت يا عباس
يا خوية *** يا خوية

رايح ولا بادي لك *** عند الأخو وعياله
لكن أنا باشيلك *** لاتدوسك الخيالة

يرضى الهجر دليلك *** واحسين اينخي ارجاله
لكن أنا باشيلك *** لاتدوسك الخيالة


عالمصرعك *** وسط القلب ضرام
جن أسمعك *** تهدي الأخو سلام
شي ايرجعك *** لا عتب او لا ملا
ما ينفعك *** يالفاقد الكلام
ياخوية وين ازنودك *** وين القربة وي الراية
يا خويا هاي اوعودك *** تبقى ابكل محنة اويايا
جاوين أيامك وين *** لو ما يعنيك احسين
يا خوية *** يا خوية

ما جيت او قلت أجي لك *** يالشال او قلبي شاله
لكن أنا باشيلك *** لاتدوسك الخيالة

ما ينسى جميلك *** يالطيب ابأفعاله
لكن أنا باشيلك *** لاتدوسك الخيالة


ساعة ألم *** لا حرف او لا سكوت
مثل السهم *** ينشب ولا يفوت
جسمك حرم *** واحزاني في قنوت
من عيني دم *** يهمي او عليه أموت
عضيدي لا تجرحني *** ما عندي امعاون عقبك
خذ ايدي او لا تذبحني *** محتاج إلنبضة قلبك
مو آنا اوياك بروح *** ترضاها او قبلي اتروح
يا خوية *** يا خوية

قلبي اعتفر قتيلك *** يالمعتفر بارماله
لكن أنا باشيلك *** لاتدوسك الخيالة

يطفي الردى غليلك *** واحسينك ابأهواله
لكن أنا باشيلك *** لاتدوسك الخيالة

اترك تعليقاً

شاهد أيضاً
إغلاق
زر الذهاب إلى الأعلى